هل حياتي العادية نعمة و لا نقمة؟

 هاااي 

اليوم حافل بحكيكم وش صار قبل، تذكرون لما قلت لكم باخذ لي قهوة و حلا و باخذهم للتراويح بوزع ؟

بالضبط رحت و اشتريت أدوات البسبوسة على أساس بوزعها بكره بالتراويح بس وش صاااار؟ آخر خطوة اللي هي اضافة الزيت ما انتبهت ضفت زيت أمي حاطته بعلبة الزيت العادي بس تستخدمه للعضلات هههههههههههههههه😭 اه ياراسي يوم استوعبت الريحة و ربي تصررعع ههههههههههه المهم ما علينا قلت خيرة و ربي يبيني أرتاح الليلة 

من قلب الحدث:

خيبة أملي في صورة وربي ههههههههههههههههههههه

المهم أختي ما استسلمت قالت حولي لي و بروح أشتري لأان ما دريت ان العايلة الكريمة كلها تبي شوي منها (خيبة ظن جماعية)😂

المهم و انا بحول لها و فاتحة التطبيق الا بالغلط انكتب رقم يا جماعة شوفوه وربي مرره أحس هالمبلغ بيكون حسابي يوماً ما مدري ليه و صورته 

بخلي هالصورة عشان تأكيد على حسن ظني بربي و انه بيجيني ..

المهم خلونا نتكلم عن موضوعنا .. مرات أفكر هل حياتي العادية هي سبب اصابتي بمتلازمة جوسكا؟ هل الحياة العادية نعمة و لا نقمة؟

يعني ما عندي ذيك المأساة الكبيرة اللي تخليني حديث الناس حتى لو بشيء أكرهه الحمدلله، و لا عندي هذيك الحياة الفخمة المبهرجة اللي 99% من الناس هي حلمهم الحمدلله برضو ..

كلامي مو معناه اني أبغى هالشي لنفسي انما أحاول أفهمها معاكم و هل حياتي العادية اللي بالنص هي اللي تخليني أتخيل خيالات و حوارات و شعور لا مثيل له و صدق مبالغ فيها بتقدير ذاتي ؟

و لا هي نرجسية عندي؟ أو حب للكمال؟

هل لو حياتي فيها مغامرات أكثر بتروح عني هالمتلازمة؟ هل لو عالجت حب الكمال عندي و المثالية بكون خالية من هالخيالات و الحوارات المتعبة؟

مممممم بس جاني ادراك و أنا قاعدة أتابع مسلسل صيني انه كل المسلسلات غالباً البطل أو البطلة يكونون عاديين و ممكن أقل الناس لكن عندهم اجتهاد عندهم نزعة قوية للتغيير و جرأة للتغيير يعني حياتهم العادية ما خلتهم بس يتخيلون زيي هههههههههههههه لا بالعكس كانت دافع لهم للتغيير للأفضل و النجاح صح يجي معاه ألم لكن برضو معاه مكافآت و ألم النجاح بالنسبة لي و لا ألم الركود القاتل لأن الركود يشبه شخص عايش بغيبوبه جسمه يتآكل اذا ما لف على الجهة الثانية أو ما حركوه بس هل حياته تتغير؟ لا هو بس يتقلب (الله يشافي جميع مرضى المسلمين يارب) 

فاللي عنده متلازمة جوسكا هو مثل هالشخص اللي يسويه بحياته انه يتقلب بس بس هل هي تتحرك؟ لا بالعكس راكدة ركود مخيف 

و لما يقوم يشوف الناس من حوله تغيروا و تطوروا و هو مكانك سر لأن عايش بمخه مو عايش مع الناس..

قعدت أفكر انه حياتي العادية هي أعظم نعمة بالنسبة لي الحمدلله حمداً كثيراً عليها، و اذا أبي التغيير بسعى له ان شاء الله، و قدمت على وظيفة ترى و ان شاء الله ربي يغير حياتي و حياة كل من يقرأ للأفضل بكل يسر و سهولة..