أبديت سنة 2026 💗

 

هاااااااي بعد سنة من بداية مدونتي..

شرايكم بتفعيل الشخصية الرمضانية من الحين ؟ هههههههههههههههههههههههه

الصدق حطيت خلطة الجليسوليد على يديني و رجليني و قلت عبال ما يخلص الوقت بصور صورة و أنزلها بالمدونة و أكتب لكم العلووووووم..

و زي السنة الي راحت علي الدورة ههههههههههههه و فيني ابهر بعد لكن أكلت لي حبة ريلاكسون للعضلات و يارب تفيدني على خيرر..

واااو قاعدة أتذكر الأحداث الي صارت فعلاً فيه تغيير كبير..

بقول لكم وش صار..

بسنة 2025 كنت أبكي طول الوقت و أراجع كل المعتقدات الي أخذتها وفكيت تعلقي بأشياء كثير و بالمناسبة فك التعلق نتايجه سلبية لكن نتهايتها ايجابيه و احنا ايش المهم عندنا ؟ النهايات ..

أجبرت نفسي في 2025 أتواصل مع ناس جدد و أكمل معاهم استمريت شهرين تقريباً و فعلاً برافو و كفو علي و تأثرت صحيح لكن أنا اليوم مررره أقوى الحمدلله, و بعد دخلت نادي للكتاب لكن كل ما أروح أتعب آخرهم قبل كم يوم لما رحت تعبت و الحين فيني ابهر مدري وش هالتزامن بس وجودي معهم يزود المتلازمة عندي ههههههههههههههههه

طبعاً وش الختام؟ جتني نوبة هلع قووووية عشت الشهور الأخيرة من السنة بقلق و توتر ما أدري وش أسميها هذيك الفترة لكن كانوا في أشخاص يخففون علي الحمدلله على وجودهم أولهم أهلي..

و تذكرت الآية الي تقول "فأثابكم غماً بغم لكيلا تحزنوا على ما فاتكم و لا ما أصابكم و الله خبيرٌ بما تعملون"

و تفكرت بأن حتى الغم و الحزن ثواب نوبة الهلع هذي نستني كل هم مو مهم.. زي أيش؟ نظرة الناس لي ، هل يحبوني أو لا؟ و همومي غير الواقعية و اني عايشة على الكورسات و فاقدة الثقة بنفسي و حياتي تزيد تخبط!!

لذلك أقول ممكن تكون نوبة الهلع هذي خيبة كبيرة بحياتي لأنها جت بعد تشافي 5 سنين بكل الطرق الصحيحة و الخاطئة و اني أخيراً وصلت؟ و كنت مبسوطة لكني كأني كنت في لعبة قطارالموت من غير ما أدرك هبطت بقوة شديدة جداً توقعت اني بموت لكني أحتاجها حتى أوصل للأرض و أستقر لأن هذا الصح..

تغيرت نفسياً كثير لكن بيتنا ما تغير و لا مرض أمي كلهم مستقرين و أنا أعتقد ان يكون فيهم تغيير و شفاء و تبدل للأفضل.. لكن الاستقرار شي حلو و جميل الله يديم الأيام المستقرة و الله يبدل حالي لأجمل حال و اجعل حتى بتبديل حالي للأفضل يكون فيه استقرار و راحة..

عندي حكاوي كثيييييييييير بقولها الأيام الجاية ان شاء الله💕💕