ليش أغلب خيالاتي أكون فيها خارقة للطبيعة؟

هااااي جوسكايين..

 ممممممم زي ما تشوفون العنوان و أنا الصدق أحس هالشي طفولي و مضحك..

ممكن لأني كنت طفلة خائفة و ما جربت أغلب اللي جربوه الأطفال بعمري؟ فهالشي انعكس علي بمراحل متقدمة من عمري و كأن الجزء الطفولي فيني ما أخذ كفايته لذلك صار يظهر على شكل خيالات بما اني ما أقدر أسويها ممكن بسبب عمري أو وزني! أوكي أدري اني حاطتهم كحدود لكن فعلاً هذا الواقع و حل المشكلة اني أعترف فيها هذا أولاً لذلك يسس أعترف اني هذولا حدوا مني بمراحل عمري كلها بتقولون كنتِ صغيرة ايييي بس من وأنا صغيرة كنت الكبيرة و كان ينقال لي أنتِ الكبيرة لذلك صدق عشت فترات كثير انكبتت فيها طفولتي..

الخوات اكبار تعالوا نحضن بعض 👧

اللي خلاني أكتب هالشي اني دايماً أتخيل نفسي بموقف خطير جداً لكن أنقذ نفسي و أتعامل مع الموضوع بهدوء! 

بس الواقع؟ و ربي ما تشوفون الا غبرتي ههههههههههههههههههههههه لذلك أتخيل انه يكون فيه حيوان مفترس أو خطير مثل الأسد أو الغوريلا أو الدب و الصدق ذولا نادراً يكونون بالسعودية أصلاً بس ما علينا أتخيل اني أكون هادية و أتعامل مع الموضوع أو ان الحيوانات هذي تحبني! يعني مدري أنا وش مكثرة منه بس الأكيد اني مكثرة أفلام هندية هههههههههههههههههه

هذي القصص ممكن تصير لكن هل هي فعلاً ممكن تصير و بالطريقة اللي تخيلتها؟ ليش أتخيل أصلاً هذا حدث محد يبيه ليش أفرضه على نفسي؟ وربي غرابة 😂

مممممممممم اصبروا بروح أسأل chatgpt و أقول لكم وش تحليله للاواعي عندي..

اوه عدت لكم بعد نقاش معاه الصراحة عجيب فهمني و فهّمني جزء من المشكله وطقطق علي شوي 😂 أحييه و أجمل شي قاله لي هنا :

هو فعلاً صادق..

وخلاني أفكر و عطاني حلول لذلك استخدموه لصالحكم 💕

أحس خيالاتي ما تخلص و لا حواراتي بكل مره يطلع لي شي جديد لكن بحللها و متأكدة انها كلها ترجع لجذر وااااحد 

ايلوفيو حبايبي باي 😽💓