فضفضة

 هاااي 

تعمدت اليوم أصور القهوة حقتي بالظهر كصورة لطيفة لأول يوم رمضاني مفطرة فيه مثل العام ههههههههه لكن الشخص مو نفسه أكييييييييد الحمدلله 😎

كييف المناكير بس؟ 💅

اليوم كنت أجاوب على أسئلة ضياع الهوية و كيف هويتي تكون الصراحة حبييت و كمان قاعدة أقرأ عن التوكل و الدعاء في كتب السنة و الجماعة مثل ابن القيم و الامام النووي.. الصراحة فهمت و ما فهمت بس الي يناسب وعيي فهمته بس كثير أثر فيني للأفضل الحمدلله و صرت أشوف التوكل من منظور ثاني وودي آخذه عند سمية الناصر لكن مليت من كورساتها الصدق خدمة 5 سنين خلاصصص ملييييييت 😂

و لاحظت شي لما يجي موضوع البيت تجيني غصة و أصلاً أنا دخلت الكورسات و قريت الكتب و دعيت عشان البيت لكنا للحين فيه ما نقلنا بيت ثاني الناس الي يزعجوني بالبيت اختفوا لكن الأشياء ما اختفت، ان ما عندي غرفة خاصة و بيتنا صغير و بدور أرضي و الحشرات بسهولة تجي فيه و بيتنا بكبره عبارة عن غرفتين فقط هالشي يأذيني، كان بيتنا هو درسي الأعظم مدري وش العوض الي بيجيني يعني أدعي من عمري 10-12 سنة انه يجينا بيت و الحين عمري 30 و ماشية لل31 مرات أقول وش بقى بعمري عشان أتهنى! هل ممكن يجي أو لا أصلاً؟ أنا حتى الزواج مرات يكون هاجسي اني ما أقدر أعيش بغرفة لحالي للأبد بتكون يا زوجي يا عيالي جنبي!

الفكرة هذي ممكن منعت عني الزواج و حتى لما أشكي لأبوي يكون بارد و غير مهتم مرات بس هالشي يعورني من جوا قلبي أنا فعلاً صادقة وودي مررررررررره يكون عندنا الفيلا الي نبيها ..

تدرون وش الي يضحك و ربي ضحكت ضحكت ضححككت هههههههههههههههههههههههههههه لي أسبوع أقيم الليل و أدعي بالبيت و نهاية الأسبوع نقل خوي أبوي للبيت الي وده فيه ههههههههههههههههههههههههههههههه 😭 يعني يخرب بيت الضحك و الله 

غريب مره و يضحك و هذا حالي دايماً أكثف الدعاء ألاقي دعوتي استجيبت لشخص ثاني؟ كنت أدعي بقوة و جاء لخوالي بيت و المره الثانية كنت أدعي و جاء لخالتي بيت و المرة الثالثة مرة عمي و المرة الرابعة جدتي و الخامسة هذي هههههههههههههههههههههههههههههههههههههه لو كنت في ظلمات علوم الطاقة للحين بيقولون استحكاككي منفخفظظ .. 

هممممم بنص الكتابة جتني العاملة تقول علميني كريم أحطه على وجهي و ربي رفعت معنوياتي خلاص طز بالبيت هههههههههههههههههههههههههههه 😎

كنت بالبداية أحسبها تسب متعودة على القلق و قلت ايوا هذا كريم انا يصير ما يحط هههههههههههههههه طلعت تبي أعلمها وش تحط على بشرتها .. عسسسوووووووولة💅💘💘

المهم اني كرهت كلمة بيت لأن ذي أمنيتنا و راسي صدع من كلمة بيت و حتى تجيني غصة اذا أحد جاب طاريه بس خلاص مودي تغير الله يستر ما أقوم أتخيل بعد بس ودي أقرأ قرآن أول و أهجد نفسي و بعد ما أخلص مهامي خلاص أتخيل براحتيي 

يلا سلام 💋💓